Anon - Sir Patrick Spens

Sir Patrick SpensThe king sits in Dumferling town
Drinking the bluid-red wine:
'O whar will I get a guid sailor
To sail this ship of mine?'
Up and spak an eldern knicht,
Sat at the king's richt knee:
'Sir Patrick Spens is the best sailor
That sails upon the sea.'
The king has written a braid letter
And signed it wi' his hand,
And sent it to Sir Patrick Spens,
Was walking on the sand.
The first line that Sir Patrick read
A loud lauch lauched he; laugh, laughed
The next line that Sir Patrick read,
The tear blinded his ee.
'O wha is this has done this deed,
This ill deed done to me,
To send me out this time o'the year,
To sail upon the sea?
'Mak haste, mak haste, my mirry men all,
Our guid ship sails the morn.'
'O say na sae, my master dear,
For I fear a deadly storm.'
'Late, late yestre'en I saw the new moon
Wi'the old moon in his arm,
And I fear, I fear, my dear master,
That we will come to harm.'
O our Scots nobles were richt laith
To weet their cork-heeled shoon,
But lang or a' the play were played
Their hats they swam aboon.
O lang, lang may their ladies sit,
Wi'their fans into their hand,
Or ere they see Sir Patrick Spens
Come sailing to the land.
O lang, lang may the ladies stand
Wi'their gold kems in their hair,
Waiting for their ain dear lords,
For they'll never see them mair.
Half o'er, half o'er to Aberdour
It's fifty fathoms deep,
And there lies guid Sir Patrick Spens.